Wadda Hadaladii Somaliland Iyo Kooxdii Khaatumo Oo Magaalada Adis-Ababa Ka Furmay

Adis-Ababa (DMG)- Waxa Maanta magaalada Addis-ababa ee Xarunta dalka Ethopia si rasmi ah uga fumay wada hadaladii Dawlada Somaliland iyo Khaatumo kaas oo loo balansanaa, isla markaana Siweyn looga dhul sugaayey ayaa halkaasi ka furmo.

 

Wadda hadaladan oo dhawr jeer dib u dhacay uu saaka si rasmi ah uga furmay magaalada Addis-ababa, waxaana kulmay masuuliyiintii ka kala socday Somaliland iyo Khaatumo ee mid kasteba dhinaceeda u soo wakiilatay wada hadaladan.

Xogo kasoo baxaya wada hadaladan saaka bilaabmay ayaa sheegaya In labada dhinacba is barasho ka dib ay si wanaagsan u lafa-gureen nuxurka waxa laga wada hadlayayo oo qoddobada qaarkood hore loogu heshiiyey waxaana ay xogahani sheegayaan in badankooda si wanaagsan layskula afgartay..

 

Geesta kale Xogaha ayaa waxaa ay intaasi ku darayaan in Gudoomiyaha Xisbiga UCID Eng Faysal Cali Waraabe oo ka mid ah xubnaha Guddida matalaysa Somaliland, ayaa ka baxay Wadahadaladaasi, isagoo u sii jeeday Dalka UK, oo uu safar shaqo ku tagayay, balse waxaa Socdaalkiisaas baajiyay Guddida ka socota Khaatumo, kuwaas oo dalbaday in aanay wada hadalada la sii wadayn Somaliland Hadduu Gudoomiye Faysal ka baxo, Waxaanay taasi ay sabab u noqotay in Gudoomiye Faysal Cali Waraabe uu baajiyo safarkiisi Dalka UK .

 

Guddida Matalaysa Khaatumo ayaa sheegay in Gudoomiye Faysal cali waraabe ahaa bud-dhigaha Wada-hadalladan, iyagoo sheegay in Faysal uu dadaalo badan ku bixiyay arrintan ilaa sannadkii 2013, sidaas daraadeed-na ay muhiim tahay in uu ka mid ahaado Wada-hadalada, hase ahatee Wada hadalada Somaliland iyo Khaatumo ayaa la filayaa in maalmaha Soo socda ay halkaasi ka sii socdaan.

 

 

Leave a Reply

This site uses Akismet to reduce spam. Learn how your comment data is processed.

%d bloggers like this: