Haayada Shaqaalaha Dawlada oo Soo saartay 16 Qodob oo lagu Hagidoono Shaqaalaha Dawlada

Haragaysa(Dhamays):
16-ka siyaasadood ee muhiimka u ah dhaqida iyo maamulka cuddduda shaqaalaha Dawladda oo samayntoodu soo idlaatay – Hay’adda Shaqaalaha Dawladda ayaa soo gabo-gabaysay samaynta siyaasadaha iyo hagayaasha muhiimka u ah kobcinta iyo maamulka cudduda shaqaalaha Dawladda kuwaas oo ka jawaab celin doona; xuquuqaha iyo waajibaadka shaqaalaha dawladda dhanka kalena iftiiminaya hannaanka koboca shaqada iyo daryeelka shaqaalaha Dawladda. – Haddaba sharciga shaqaalaha dawladda oo la sameeyey 1996 ayaa mudo badan u baahnaa siyaasado kaba oo ka jawaab celiya dhan walba, Illaahay fadligii-na imika ayey inoo soo dhamaadeen iyada oo maalmahan soo socda-na aan u gudbin doonno golaha Wasiiradda JSL si ay dib-u-eegis iyo kaabis kadib u ansixiyaan – Tallaabadan ayaa bilow u ah in aan bilowno dib-u-eegista iyo kaabis-ta Sharciga Shaqaalaha Dawladda Sharci Lamb 07/96 oo mudo badan u baahnaa habayn iyo horumarin. Siyaasadaha iyo hagayaasha loo sameeyey shaqaalaha dawladda ayaa kala ahaa: 1- Siyaasadda Shaqo qorista, Xulashadda iyo magacaabida Shaqaalaha Dawladda 2- Siyaasadda Anshaxa iyo hab-dhaqan wanaaga Shaqaalaha Dawladda 3- Siyaasadda iyo habka Dalacaaddaaha, bedelista, ergiska iyo Jiheynta shaqaalaha Dawladda 4- Siyaasadda Unkida iyo Ilaalinta Qaabdhismeedka Hay’adaha Dawladda 5- Siyaasadda maamulka iyo Anshaxmarinta Shaqaalaha Dawladda 6- Siyaasadda Fasaxyadda Shaqaalaha Dawladda 7- Siyaasadda Maareynta Kaydka Xogta Shaqaalaha Dawladda 8- Siyaasadda Maareynta Cabashada iyo tabashooyinka Shaqaalaha Dawladda 9- Siyaasadda Hanashadda Shaqaalaha Dawladda 10-Siyaasadda iyo habka aasaasida iyo Baabinta Xafiis-yada shaqo 11-Hagaha Qiimeynta Hawl-qabadka iyo Abaal-marinta Shaqaalaha Dawladda 12-Hagaha Kartida Kaalin Shaqo 13-Hagaha Tilmaanta iyo Tusaaleynta Shaqaalaha Dawladda 14-Hagaha Tababarka iyo Tayeynta Shaqaalaha Dawladda 15-Hagaha Hannaanka Koboca iyo Horumarinta Shaqaalaha Dawladda 16-Hagaha Qorshaha Carbinta iyo laylinta Shaqaalaha Dawlada Waxaa isaguna dhammaad ku dhaw siyaasada Hawl-gabka shaqaalaha Dawladda oo mudo kooban kadib dhamaystirmaya Insha Allah Siyaasadaha iyo hagayaasha ayaa ah dabarka iyo dariiqa loo maro jid aan qof ku xidhnayn balse xeer hagayo.

Leave a Reply

Open chat
soo dhawoow walaal