Madaxweyne Siilaanyo Oo Caydhiyey Hanti-dhowrihii Guud Ee Qaranka

Hargeysa (Dhamays) – Madaxweynaha Somaliland Md. Axmed Maxamed Maxamuud (Siilaanyo), ayaa Goor dhawayd oo Caawa ah Xilkii uu Qaranka u hayey ka qaaday Hanti-dhowrihii Guud ee Qaranka Maxamuud Aw Cabdi Ibraahim (Maxamuud-dheere).

Sidaana waxa lagu sheegay Digreeto uu Madaxweynuhu ku saxeexan yahay, taasi oo iyadoo dhamaystiran u dhignayd sidan “Madaxweynaha Jamhuuriyadda Somaliland, Mudane Axmed Maxamed Silaanyo, waxa uu digreeto Madaxweyne oo summadeedu tahay JSL/M/XILQ/249/1-4946/072017 uu xilkii kaga qaaday Hanti-dhawrihii Guud ee Qaranka.

Waxaanay u dhignayd digreetada madaxweynuhu sidan:-

Ku: Mudane, Maxamuud Aw Cabdi Ibraahin (Maxamuud Dheere)Hanti-dhawrihii Guud ee Qaranka

Og: Ku-xigeenka Hanti-dhawraha Guud ee Qaranka

Og: Xisaabiyaha Guud ee Qaranka                                                     

Og: Wasiirka Wasaaradda Maaliyadda

Ujeeddo: Xil-ka Qaadis

Mudane, Waxaan kaaga mahadcelinayaa muddadii aad soo haysay xilka Hanti-dhawrka Guud ee Qaranka Jamhuuriyadda Somaliland. Xilalka Qaranka ayey dabcigeed tahay in ay meerto noqoto oo kolba cid hanan karta loo dhiibo.

Haddaba, waxaan gartay in aan kaa qaado xilkaas, waxaanad ku wareejin doontaa Ku-xigeenka Hanti-dhawraha Guud ee Qaranka, oo si ku meel-gaadh ah u sii hayn doona, inta aan u soo magacaabayo mas'uul ku habboon xilka Hanti-dhawraha Guud ee Qaranka.”

Allaa Mahad Leh,

 Axmed Maxamed Silanyo

Madaxweynaha Jamhuuriyadda Somaliland

 

Leave a Reply

Open chat
soo dhawoow walaal